വ്യാഴാഴ്‌ച, ഫെബ്രുവരി 18, 2021

കൂടൊഴിഞ്ഞ പക്ഷി

 ഞാനൊഴിഞ്ഞുപോയ വീട്ടിൽ

 ബാക്കിയാവുന്നതെന്തായിരിയ്ക്കും? 

ഞാൻ പൊഴിച്ച പടം പോൽ 

പൊള്ളിയടർന്ന ചുവരിൻ ചർമ്മമോ?

ചലിയ്ക്കാത്ത പേശികളും ,

സൂര്യനസ്തമിച്ച കണ്ണുകളുമായി 

അതിൽ തൂങ്ങും മുഖചിത്രമോ?

ഞാനൂരിയെറിഞ്ഞ ലോഹവളയങ്ങളോ?

എഴുതി നിറച്ചിട്ടും എടുക്കുവാൻ മറന്ന 

പ്രണയ പുസ്തകമോ?

അതോ..

എൻ്റെ ഓർമ്മകൾക്കു മീതെ പരക്കുവാൻ

നീ തെളിച്ച ചന്ദനത്തിരി ഗന്ധമോ?!






1 അഭിപ്രായം: