വേനല്‍

വിരല്‍ത്തുമ്പില്‍ അക്ഷരങ്ങള്‍
അപരിചിതരെപ്പോല്‍ പരുങ്ങി നിന്നു..

വിണ്ടു കീറിയ വിളനിലങ്ങളെപ്പോല്‍
കണ്ണിലെ നീലഞരമ്പുകള്‍ പിടച്ചു..

കൂട്ടിലടയ്ക്കപ്പെട്ട കിളികളായ്
വാക്കുകള്‍ ചങ്കില്‍ കൊത്തിവലിച്ചു..

പുറത്തേയ്ക്കുണരാത്ത പ്രവാഹത്തിലെ നീര്‍മുത്തുകള്‍
കനല്‍ത്തുള്ളികളായി,മനസ്സിന്റെ ആഴങ്ങളില്‍..

തോരാത്ത മഴയും കുളിരുള്ള കാറ്റും
സ്വപ്നങ്ങളില്‍ പോലും അന്യമായ്..

കുറുകിയും നീണ്ടും
നിഴലുകള്‍ മാത്രം കൂട്ടിരുന്നു..